जव्हार संस्थानचा सुर्यांकित भगवा ध्वज |
श्रीमंत यशवंतराव मुकणे महाराज |
जव्हार संस्थानचे राष्ट्रगीत
दिनांक १३ नोव्हेंबर १९४४ साली राजमान्यता मिळाले जव्हार संस्थानचे राष्ट्रगीत,बडोद्याचे राजकवी ज्ञानरत्न यशवंत दिनकर पेंढारकर यांनी
जव्हार नरेश श्रीमंत यशवंतराव मुकणे महाराज हे दुसऱ्या महायुद्धवरून परत आल्यानंतर
त्यांच्या २७ व्या वाढदिवसा निमित्त जव्हार संस्थानचे स्वतंत्र राष्ट्रगीत म्हणून रचले.
जव्हार संस्थानची भौगोलिकता, वनवैभव, राजगुरू कृपाशीर्वाद,राजांची शौर्य गाथा,
मायभूमीवरील प्रेम, जनकल्याणकरी राजा अश्या रीतीने जव्हार संथांचा गौरव करणारे
हे राष्ट्रगीत आजपासून ६४ वर्षापूर्वी अर्थात दि.१३ नोव्हेंबर १९४४ साली
राजमान्यता मिळाल्यापासून ते जव्हार संस्थान विलीनीकरणापर्यंत
प्रत्येक समारंभात गायले जात असे.
जव्हार संस्थानचे राष्ट्रगीत
जय मल्हार ! जय मल्हार ! गर्जु या जय मल्हार !!
सह्याद्रीचे हे पठार I
शौर्याचे हे शिवार I
राखाया या बडिवार I
येथे नवोनव अवतार II१II
येथले धनुष्यबाण I
अजून टणत्कार करून I
टाकतात परतून I
कळी काळाचे हि वर II२II
साग, शिसव, ऐन दाट I
सोन्याचे बन अफाट I
त्यांत शाह नांदतात I
दीनांचे पालनहार II३II
सदानंद -वरद- हात I
जयबांची शौर्य- ज्योत I
ध्वज भगवा सुर्यांकित I
दावी राज्य हे जव्हार II ४ IIप्यार अशी माय भूमी I
माय भूमी तव कामी I
वाहू सर्वस्व आम्ही I
होवू जीवावर उदार II ५ II
जय वंशी क्षेम असो
राजा विर्यो क्षेम असो I
जनता- कल्याण वसो I
त्यात सदा अपरंपार II ६ II
No comments:
Post a Comment